Mujule Beru , Bener Meriah - Kuala Simpang 11 Juli 2021 | Barakallahu Lakuma
Salah satu rangkaian tradisi Sinte Mungerje (Walimatul Ursy) di Gayo adalah Mujule Beru (Mah Beru; Gayo Deret) (mengantar pasangan pengantin ke rumah pengantin pria) sebagai balasan dari Mujule Bai (mengantar pengantin pria ke rumah pengantin wanita untuk mengikuti aqad nikah).
ike uren nge sawah,
nge turah naringen nami,
ike lao mupinah,
berubah ulen berganti,
anakku si mutuah,
ierah punce ni tali,
serlo ni ko nge luah,
mupisah ko urum kami,
anak beluh naringen umah,
ama ine berate tabah,
kering basah lauh kupipi,
anakku enge berlangkah,
taring aku iarap ni umah,
lagu mupisah tulen rum usi,
sayang di ama ine,
i lepo nupangen pipi,
pekekit iwani dede,
sana die terjadi,
anak si jantung limpe,
besilo nge ara suami,
ke sayang kao kin ine,
dewe dewe padih enti,
serloni ko berumah tenge,
hidup baru ke basa besilo,
dele ranyo urum rui,
ihedepi urum lapang dede,
pora keroh enti renye kin bele,
ku urang tue sawah ko peri,
ike anak musara dene,
senang ni ate gere tercari,
kekenak anak enti mucere,
ume berume mera kuso kini,